Kontakto redaksinë English
Na ndiqni edhe në
Na ndiqni në YouTube, në kanalin zyrtar të Dritare TV!

Shqip

Çfarë ka brenda tunelit të Porto Palermos! Flet inxhinieri që mori pjesë në ndërtim!

E Mërkurë 4 Shtator 2024, 16:04

Dritare.net

Çfarë ka brenda tunelit të Porto Palermos! Flet inxhinieri

Inxhinieri Qemal Zyfi i cili ka kontribuuar për ndërtimin e tunelit në Porto Palermo, për Dritare TV rrëfeu rëndësinë që kishte nga ana strategjike ushtarake.

Zoti Zyfi u shpreh se ky tunel është një vepër që ende dhe sot mund të vihet në punë pasi është i mirëprojektuar dhe ka një rëndësi të madhe për vendin.

“Objektet e Porto Palermos nisin sapo del nga Himara. Tuneli i Porto Palermos nuk është vetëm ky që shohim ne sot. Rrotull tij janë disa tunele të tjera të cilat janë në funksion të tij. Për të mbrojtur këtë tunel u ndërtuan tunele mbrojtëse.

Njëri është në Pilur, që mbron veriun e këtij tuneli. Tuneli tjetër është sa del nga Himara, pra është tuneli i komandimit, i antenave. Atë objekt e kam realizuar unë. Pra të gjitha tunelet komunikonin më Tunelin e Porto Palermos. Janë dy gryka që bëjnë mbushjet dhe zbrazjet e topave elektrike. Brenda bazës ushtarake të Porto Palermos veç këtij tuneli të madh që shihni janë dhe 3 të tjerë. Është shumë e vështirë ta demontosh këtë tunel.

Tuneli është i gjatë 780 ml i mbushur me ujë në një gjerësi 12 m. Montuar në të dyja anët veri e jug porta metalike me beton me peshë secila rreth 80 ton. Nga kuota normale tokësore thellësia e ujit nga 6,5 m deri në 9 m. Ka një lartësi mbi pasqyrën e ujit 15 m.

Për të krijuar një ide mbi madhësinë. Në hyrje të Tunelit mund të ndërtoje një pallat 5 katësh”, tregoi inxhinieri në Dritare TV./M.K-dritare.net