Dieta e përditshme e Jennifer Aniston, ja çfarë ha aktorja për mëngjes, drekë dhe darkë!
Dritare.net
Jennifer Aniston është një nga yjet e filmave tanë të preferuar. Nga personazhi i njohur i Rachel Green në serial-komedinë hit “Friends”, deri te rolet e shumtë në filma, për vite më radhë, Jenn na ka kënaqur me humor dhe jo vetëm. E përpos karrierës, filmave të saj, Jennifer njihet edhe për stilin e jetesës.
51-vjeçarja, e cila duket si 30, vazhdon të na befasojë me trupin e saj. Ne e dimë që Jennifer pëlqen të praktikojë joga, por çfarë diete ndjek ylli i “Marley & Me” që është kaq në formë?
Jua tregojmë ne!
Çfarë ha Jennifer Aniston për mëngjes?
Rutina e mëngjesit të aktores është ndryshe nga ai standardi. Ajo agjëron, pra shpeshherë nuk ha mëngjes. Nëse po mendoni se çfarë është agjërimi i ndërprerë, është dieta 16: 8. Për tetë orë ti ke mundësi të hash, ndërsa 16 orë do të agjërosh. Ajo zgjohet në 9 të mëngjesit, bën joga dhe mbaron punët jashtë. Pastaj pi lëngun e saj magjik me selino.
“Kur zgjohem, pi ujë të ngrohtë me limon dhe më pas ha vezë me avokado. I hedh pak vaj koksi mbi të. Ndonjëherë ha drithëra me banane ose do të bëj pak tërshëre me një të bardhë veze të rrahur.”, tha Jennifer në 2016-ën.
Por për drekë çfarë ha Jennifer?
Baza është perime, ose sallatë me shumëllojshmëri produktesh me proteina.
Po për darkë? Ju mendoni se ha prapë perime? Jo more jo. Makarona. Ajo i adhuron sidomos ato alla karbonara që mësoi nga ish-burri i saj Justin Theroux. Aktorja tha se ajo e bën pjatën duke përdorur vezë, parmixhano dhe proshutë./K.C/dritare.net