Temperatura deri në 25 gradë. Parashikimi i motit për sot
E Premte 18 Prill 2025, 08:08
Dritare.net
Vendi ynë edhe këtë të premte do të jetë i paqendrueshëm si pasojë e një mase ajrore e freskët dhe e lagësht me origjinë Veriperëndimore.
Vranësirat dhe shirat do të jenë prezent që në orët e para të mëngjesit, kryesisht në zonat Veriore dhe Qendrore.
Temperaturat minimale do të shënojnë vlerën 8 gradë celcius në Bajram Curr ndërsa ajo maksimale do të shënojë vlerën 25 gradë në Durrës, Tiranë dhe Gjirokastër.
Era do të fryjë drejtim jugperëndim - veriperëndim me shpejtësi mesatare deri 5 m/s, ndërsa në lugina dhe bregdet hera-herës pritet të fitoi shpejtësi deri në 6-10 m/s, me valëzimin në dete të forcës 1-2 ballë./L.F-dritare.net
