Pasi Donald Trump vendosi tarifa të reja globale, një pjesë e mirë e vendeve të prekura, kanë reaguar. Shefja e BE-së Ursula von der Leyen thotë se "pasojat do të jenë të tmerrshme për miliona njerëz në mbarë globin" dhe shton se Evropa po finalizon paketën e saj të parë të përgjigjes ndaj tarifave të çelikut.
Kina ka premtuar kundërmasa. Kryeministri i Kanadasë Mark Carney thotë se është "thelbësore të veprohet me qëllim dhe me forcë".
Giorgia Meloni e Italisë i ka quajtur tarifat amerikane "të gabuara" dhe paralajmëron se ato mund të ndezin një luftë tregtare.
Anthony Albanese i Australisë thotë se ky nuk është akt i një miku.
Presidenti në detyrë i Koresë së Jugut, Han Duck-Soo thotë se lufta tregtare globale është bërë realitet. Në Republikën e Irlandës, Micheál Martin thotë se nuk ka asnjë justifikim për tarifat
Karin Keller-Sutter e Zvicrës thotë se vendi do të përcaktojë shpejt veprimet e ardhshme, në përgjigje të këtyre tarifave./L.F-dritare.net
