Sa është tarifa që Trump i vendosi Shqipërisë!
E Enjte 3 Prill 2025, 08:08
Dritare.net
Presidenti amerikan Donald Trump ka vendosur një tarifë universale prej 10% për të gjitha importet në SHBA.
Në mesin e vendeve që kanë këtë tarifë, është edhe Shqipëria bashkë me Kosovën.
Ndërkohë kjo tarifë është më e lartë për disa vende të cilat presidenti amerikan i cilëson “shkelësit më të këqij”, në një moment që është vendimtar për tregtinë globale.
BE e përshkroi këtë plan tarifor si një goditje të madhe për ekonominë botërore. Italia e cilësoi të gabuar ndërsa Australia tha se ky akt, nuk është aspak miqësor.
Kina, ndër vendet më të prekura nga kjo tarifë, tha se do të hakmerret.
Ekonomistët e të gjitha shtresave paralajmërojnë se këto tarifa, 53% për Kinën, 20% për Bashkimin Evropian dhe Korenë e Jugut, me një bazë prej 10% për të gjitha vendet, do të kalohen tek konsumatorët amerikanë, duke rritur çmimet dhe duke kërcënuar një recesion global.
Megjithatë, nëse Trump do të jetë i suksesshëm, ai do të riformësonte rrënjësisht një rend ekonomik global.
SHBA thotë se këto tarifa janë llogaritur duke përdorur një formulë të bazuar në ato që i shohin si praktika të padrejta tregtare. Tarifat e reja hyjnë në fuqi më 9 prill./L.F-dritare.net
