Rrëfimi i një prifti! Flet Toni Gogu: Si iu futa politikës!
E Mërkurë 2 Prill 2025, 20:08
Dritare.net
Toni Gogu vjen sot në Shqip nga Dritan Hila në DritareTV me një rrëfim të veçantë jetën, për punën e tij si pastor, si jurist, jetën në fshat, përfshirjen në politikë dhe garën për mandatin e dytë si deputet. Zoti Gogu tregon se si kaloi nga feja, në politikë në 2017-ën, të cilës i është kushtuar vitet e fundit.
“Ne protestantët kemi një shprehje: “Na gjen ne Zoti, nuk e gjejmë ne atë”. Ka qenë viti 1990 kur rashë në kontakt me shkrimin e shenjtë, Biblën dhe njerëzit që e praktikojnë. Asokohe ishte vetëm një komunitet ungjillor, në Korçë. Këto janë fillimet të besimit tim, në një kishë lokale që quhej Rilindja, me misionarë të vendeve të tjera.
Unë kam qenë pastor nga 1994 në vitin 2001 si anëtar aktiv në Kishë. Por me formim jam jurist. Unë kam filluar studimet për jurisprudencë në vitin 1991. Kam mbaruar në 1994-ën, fillova pak kohë në Ministrinë e Financave. Po e lashë si punë në 1994-ën për të punuar disa kohë si pastor në Kishë. Ne jemi zhvendosur në Pezë me gruan e fëmijët në vitin 2017-të. Atëherë për disa kohë jam marrë disa kohë me një organizatë ndërkombëtare, deri sa më erdhi festa për t’u përfshirë në qeverinë Rama II, si zëvendësministër drejtësie. Unë kam qenë deputet katër vjet, tani po garoj për mandatin e dytë.”, tha Gogu në DritareTV./K.C/dritare.net
