21 Janari/ Spartak Ngjela: Berisha para përgjegjësisë penale!
E Mërkurë 21 Janar 2026, 17:05
Dritare.net
Në një intervistë për emisionin “Intervista e Ditës” në DritareTV, avokati Spartak Ngjela komentoi çështjen e 21 janarit 2011, ku humbën jetën katër protestues para Kryeministrisë.
Ngjela komentoi rolin e ish-kryeministrit Berisha në ngjarje:
“Këtu flitet për përgjegjësi penale. Janë vrarë katër persona dhe nga zyra e tij është dhënë urdhri.”
Ai theksoi se çështja tashmë është në duart e SPAK, dhe shprehu besimin e tij për drejtësinë:
“SPAK nuk drejtohet nga ne, por nga ekspertët ndërkombëtarë. Kanë ardhur për të ndihmuar Shqipërinë dhe thanë: “Ne do t’ia heqim korrupsionin Shqipërisë.” Këtu ka pasur një korrupsion gjigant? Media e di, çdokush tjetër e di. Ky është një shtet që ka qenë i mbytur nga korrupsioni. SPAK-u po bën punën e vet sepse ka ka ministra të pandehur, është ish-kryeministri i pandehur. Tani kanë filluar edhe gjykimet, dhe do të shohim se çfarë dënimesh do të ketë.”/K.C/dritare.net
