U aksidentua në fabrikën e riciklimit të aluminit, humb jetën punonjësi indian!
E Premte 18 Gusht 2023, 08:08
Dritare.net
Një shtetas indian është aksidentuar për vdekje në Elbasan.
Mësohet se 45-vjeçari me iniciale O.P., gjatë punës në fabrikën e riciklimit të aluminit është dëmtuar në trup me një paisje dhe për pasojë ka humbur jetën.
Ende nuk dihen rrethanat e plota të ngjarjes.
”Mëngjesin e sotëm, në ish-kombinatin metalurgjik, gjatë procesit të punës në fabrikën e riciklimit të aluminit, dyshohet se aksidentalisht është dëmtuar në trup, nga një pajisje pune, shtetasi indian O. P., 45 vjeç, i cili për pasojë ka humbur jetën.
Grupi hetimor vijon punën për zbardhjen e plotë të rrethanave të ngjarjes”, njofton policia./M.K-dritare.net
