Gjyshja, film bazuar në histori të vërtetë. Një risi nga Eduart Grishaj
E Premte 27 Shtator 2019, 11:11
Dritare.net
Xhirimet kanë përfunduar dhe ditën e djeshme ai prezantoi trajlerin. E bazuar në një histori të vërtetë shqiptare, "Gjyshja" është realizuar në veri të vendit. Traditat shqiptare janë në qendër të këtij filmi.
Me pjesëmarrjen e disa aktorëve të njohur, si Rita Gjeka, Ema Andrea, dhe Enxhi Cuku, që luan rolin kryesor, ky film është një risi në treg.
Krahasuar me filmat e rinj të dy aktorëve të njohur, Ermal Mamaqit dhe Bes Kallakut, "Gjyshja" nuk është një film me humor.
Ndonëse Eduarti nuk ka zbuluar më shumë për këtë projekt, një gjë e thotë me siguri: "Ky film të bën për të qarë".
Nuk na mbetet gjë tjetër veçse të presim derisa filmi të shfaqet i plotë në kinema. Por një gjë duhet thënë patjetër.
Djemtë dhe vajzat e reja, po japin një kontribut të çmuar në kinematografinë me prodhimet e reja./L.F-dritare.net
