Blendi Gonxhja zbulon projektet: Ju tregoj Kombinatin e Ri!
E Enjte 3 Prill 2025, 19:07
Dritare.net
Ministri i Ekonomisë, Kulturës dhe Inovacionit, Blendi Gonxhja, i ftuar në emisionin Dekalog nga Roland Qafoku në DritareTV foli për projektet që ka qeveria në mandatin e katërt, për Kombinatin, aty ku është drejtues politik dhe kandidat për deputet zoti Gonxhe. Gonxhja thotë se me projektet e reja, Kombinati do të transformohet në një qytet të ri.
“Kombinati është një qytet brenda kryeqytetit. Aty janë rreth 72 mijë banorë. Por është një qytet që ka shumë potencial dhe shumë shpejt do të kete më 100 mijë banorë. Qeveria Rama ka shumë plane zhvillimi që do ta popullojnë më teper zonën. Është një qytet që lidhet me akset kryesore të rrugës, afër Unazës, afër Rrugës së Kavajës, Është afër Korridorit Blu, edhe atje do ketë një dalje shumë më të shpejtë që do lidhet me një rrethrrotullim me rrugën e re Kombinat-Plepa. Do ketë kërkesë më të lartë për vila, shtëpi sepse do kthehet në zonë elitare. Me planin e ri që kemi do bëjmë një rigjenerim total urban të pjesës së vjetër industriale, Ish-Kombinatit te Tekstileve. Është një plan dhe investim shume i madh. Prioritet është rindërtimi, por do të ndërtohen edhe blloqe të reja pallatesh. Aty ku ka qenë Kombinati i Tekstileve do të nderohen pallate, do të ketë objekte sociale, shkollore, të shërbimit shëndetësor, objekte fetare, qendër tregtare, qendër sportesh. Do të ndërtohet si një qytet evropian, si Milano dikur apo Parisi. Nuk do harxhojmë para për të bërë arna, do ndërtojmë çdo gjë nga e para. Kombinati do të jetë qytet i ri. Ky është premtimi ynë.”, shprehet ministri Blendi Gonxhja në DritareTV./K.C/dritare.net
