Bledi Mane: Egli e sëmurë për famë. Ua ka nxirë jetën meshkujve që ka pasur!
E Martë 15 Prill 2025, 18:06
Dritare.net
Gazetari Bledi Mane, i ftuar në emisionin Dekalog nga Roland Qafoku në DritareTV, ka komentuar martesën e çiftit Egli Tako dhe Gjestit, e cila u zhvillua brenda shtëpisë së Big Brother VIP Albania. Mane është shprehur skeptik për qëllimin e kësaj martese, duke e cilësuar si të shtirur dhe të realizuar për show.
“Martesa e tyre është e sforcuar dhe e bërë për show. Çdo veprim që bëjnë më duket si i kalkuluar për famë,” – u shpreh Mane.
Ai shtoi se në këtë çift, vlerëson më shumë Gjestin sesa Eglin, duke kritikuar sjelljen dhe qëndrimin e saj publik.
“Egli është një njeri posesiv, e etur për famë dhe kërkuese e vëmendjes me çdo kusht. Jam shumë i sigurt që ajo ia ka nxirë jetën çdo mashkulli që ka pasur për krah,” – tha ai.
Sipas gazetarit, lidhja mes çiftit nuk është e vërtete dhe nuk beson në qëndrueshmërinë e marrëdhënies së tyre.
“Nuk besoj shumë në historinë e tyre. Ka më shumë elemente show sesa ndjenja të vërteta,” – përfundoi Mane./E.P-dritare.net
