Avokati i Ajola Xoxës: Çfarë do të ndodhë me Erion Veliajn!
E Premte 4 Prill 2025, 18:06
Dritare.net
Avokati i Ajola Xoxës, Maks Haxhia, njëherësh dhe kryetar i Dhomës të Avokatisë, i ftuar në Dekalog nga gazetari Roland Qafoku, në DritareTv, ka treguar qëndrimin e tij për çështjen e Erion Veliajt. Haxhia theksoi se pozicioni juridik i Ajola Xoxës ka ndikim të drejtpërdrejtë në zhvillimin e çështjes ndaj Erion Veliajt. Sipas tij, sqarimi i pozitës së Xoxës do të sqarojë edhe atë të Veliajt.
Për Haxhian, Erion Veliaj do të çlirohet nga akuza.
"Sqarimi i pozicionit të Xoxës sqaron edhe pozicionin e Erion Veliajt. Pra, me fjalë të tjera, zgjidhja e pozitës juridike të Ajola Xoxës sqaron edhe çfarë do të ndodhë me Veliajn. Akuzat deri tani tregojnë se tek Erion Veliaj ata kanë shkuar përmes Ajola Xoxës, prandaj sqarimi me prova i pozicionit të Xoxës do të japë drejtim të gjithë çështjes. Sipas mendimit tim, Erion Veliaj do të çlirohet nga akuzat."- shprehet Avokati i Ajola Xoxës-E.P-dritare.net
