Arben Meçe: Pushteti nuk po kontrollohet më nga opozita, ka rënë lufta mes kundërshtarëve!
E Hënë 20 Tetor 2025, 18:06
Dritare.net
Në një analizë të thellë të situatës aktuale politike, inxhinieri Arben Meçe argumenton se Shqipëria vuan nga një problem themelor, mungesa e dialektikës politike.
Meçe shpjegon se zhvillimi në çdo fushë, përfshirë politikën, buron nga 'lufta e të kundërtave'. Pa një opozitë të fuqishme që sfidon dhe balancon pushtetin, sistemi politik mbetet në stanjacion.
'Në Shqipëri ka humbur dialektika,' thekson ai, duke shtuar se pa këtë përplasje idesh dhe alternativash, nuk mund të ketë zhvillim real. Ai argumenton se një shoqëri natyrshëm ndahet në dy pole, një pro-qeverisë dhe një opozitar, dhe detyra e partive politike është të përfaqësojnë këto pole.
Sipas Meçes, problemi kryesor sot është se pjesa opozitare e shoqërisë shqiptare nuk po gjen përfaqësimin e duhur.
Kjo prishje e balancës dialektike ka sjellë një krizë në funksionimin e demokracisë, ku pushteti nuk kontrollohet dhe opozita ka rënë në nivele minimale përfaqësimi, duke krijuar një vakum të rrezikshëm për të ardhmen e vendit./dritare.net
