Pushimet italiane të Madonës me të dashurin 37 vjet më të ri
E Mërkurë 14 Gusht 2024, 10:10
Dritare.net
Madonna nuk i fsheh lidhjet e saj nga publiku. Kështu, paraqitja e fundit që ajo bëri në Itali zbuloi lidhjen e saj të re me 28-vjeçarin Akeem Morris.
Sipas një raportimi të Daily Mail, ylli i popit u pa duke shijuar pushimet në Portofino duke mbajtur për dore të dashurin model xhamajkan 37 vjet më të ri. Të dy u bashkuan në vitin 2022 për një xhirim për revistën Paper.
Të njëjtat raportime thonë se çifti udhëtoi për në Itali përpara ditëlindjes së 66-të të Madonës më 16 gusht. Duket se ky është i riu, me të cilin është fotografuar një javë më parë e zhveshur në shtrat dhe foton e ka postuar në Instagram.
Akeem Morris ka lindur në Xhamajka më 2 maj 1996. Aktualisht jeton në Nju-Jork. Sipas profilit të tij në LinkedIn, ai u diplomua në Universitetin Stony Brook me një diplomë bachelor në shkencat politike./K.C/dritare.net
