Aktori amerikan Matthew Perry, ka vdekur në moshën 54-vjeçare . Aktori njihej më së shumti për rolin e Chandler Bing në hitin televiziv të viteve '90 Friends, . Ai u gjet i vdekur në shtëpinë e tij në Los Anxhelos, thanë burimet e zbatimit të ligjit për mediat amerikane.
LA Times dhe TMZ, të cilat fillimisht raportuan se Perry kishte vdekur, thanë se aktori u gjet i pavetëdijshëm në një vaskë me ujë të nxehtë në shtëpinë e tij. Warner Bros TV, i cili prodhoi Friends, përmes një reagimi tha: "Ne jemi të shkatërruar nga vdekja e mikut tonë të dashur Matthew Perry!
Matthew ishte një aktor jashtëzakonisht i talentuar dhe një pjesë e pashlyeshme e familjes së grupit televiziv Warner Bros. Ndikimi i gjeniut të komedisë u ndje në mbarë botën dhe trashëgimia e tij do të vazhdojë të jetojë në zemrat e shumë njerëzve. Kjo është një ditë e rëndë dhe ne i dërgojmë dashurinë tonë familjes së tij, të dashurve të tij dhe të gjithë të fansave të tij.”, thuhet më tej në deklaratë.
I lindur në Massachusetts në vitin 1969, Perry u rrit në Otava, Kanada, ku ndoqi shkollën fillore me Justin Trudeau, i cili më vonë u bë kryeministër i Kanadasë. Perry u transferua në Los Angeles kur ishte adoleshent. Ai luajti si Chazz Russell në Boys Will Be Boys dhe gjithashtu pati role në shumë shfaqje duke përfshirë Pain. Por ai u bë një yll ndërkombëtar nga Friends, një sitcom që fliste për jetën e gjashtë njujorkezëve.
Komedia, në të cilën luajti bashkë me Jennifer Aniston, Courteney Cox, David Schwimmer, Matt LeBlanc dhe Lisa Kudrow, u bë një nga shfaqjet më të suksesshme të të gjitha kohërave. Perry luajti si Chandler Bing, i famshëm për këngët e tij sarkastike. Roli i dha atij një nominim Primetime Emmy në 2002-shin./K.C/dritare.net
