Victoria Beckham ka emëruar Sybille Darricarrère Lunel si shefen ekzekutive të kompanisë së saj, duke filluar nga 1 korriku 2025. Ajo do të bazohet në selinë e markës në Londër, duke pasuar Ralph Toledano, i cili ishte ushtrues i detyrës së shefit ekzekutiv, raporton WWD.
Darricarrère Lunel vjen nga Christian Dior Couture, ku ajo ishte drejtuese e njësisë së biznesit të produkteve të lëkurës, duke mbikëqyrur gamën globale të produkteve të bukurisë. Ajo ka mbajtur më parë role drejtuese në Galeries Lafayette dhe The Kooples.
“Jam e emocionuar që Sybille po i bashkohet kompanisë si CEO”, tha themeluesja dhe drejtoresha krijuese e markës Victoria Beckham. “Mezi pres që të kem pranë meje një grua të fortë, krijuese, inteligjente me një mentalitet sipërmarrës dhe energji për të na çuar në nivelin tjetër”.
Emërimi vjen ndërsa Victoria Beckham vazhdon përpjekjet për të forcuar biznesin e saj. Vitet e fundit, ajo ka prezantuar kategori të reja produktesh dhe ka rafinuar strategjinë e çmimeve për të balancuar pozicionin e saj të lartë me tërheqjen më të gjerë komerciale. “Unë e kam admiruar gjithmonë stilin femëror, elegant dhe modern të markës, i cili fuqizon gratë,” tha Darricarrère Lunel./K.C/dritare.net
