Ndërkohë që të gjitha tabloidet sot shkruanin se Barack Obama dhe Michelle po divorcohen, ish-presidenti ka reaguar me një mesazh, me urimin më të bukur për ditëlindje, drejtuar dashurisë së jetës.
“Gëzuar ditëlindjen dashurisë së jetës sime, Michelle Obama. Ti e mbush çdo dhomë me ngrohtësi, mençuri, humor dhe hir dhe dukesh mirë kur e bën këtë. Jam shumë me fat që po i kalojmë bashkë aventurat e jetës. Të dua!” Ishte ky urimi i Barack, për Michelle-n ndërsa poston një foto ku shihen duke darkuar së bashku dhe të kapur dorë për dore.
Por pse njerëzit besonin se Michelle dhe Barack Obama po ndaheshin dhe kanë jetuar të ndarë që nga dhjetori?
Spekulimet rreth marrëdhënies së çiftit janë shtuar pas pretendimeve të një eksperteje të gjuhës së trupit që thoshte se kishte parë shenja tensioni mes çiftit.
Judi James, eksperte e njohur e gjuhës së trupit, ka analizuar daljen e fundit publike të çiftit në Los Anxhelos dhjetorin e kaluar.
Familja Obama u fotografua duke dalë nga Mother Wolf, një restorant i profilit të lartë, dhe James vuri në dukje se Barack dukej i largët, duke ecur pas Michelle në vend që të ishte pranë saj.
"Nuk kishte asnjë shenjë komunikimi.", tha James gjatë një interviste me DailyMail.
“Ndërsa Michelle buzëqeshte para kamerave, Barack mbeti pas, duke u shfaqur i matur dhe serioz.”
Vëzhgimet e mëtejshme zbuluan se Michelle, fillimisht e gëzuar para kamerave, u shfaq e tensionuar një herë brenda makinës së tyre. Të dy thuhet se u panë duke ngulur sytë përpara në heshtje, duke shmangur ndërveprimin.
“Nuk kishte asnjë bisedë, gjë që ishte e habitshme për një çift që zakonisht shihej duke përcjellë ngrohtësi në publik.”, shtoi James, siç citohet në një raport nga MSN./K.C/dritare.net
