Trump flet për kapjen e Maduros: Një nga operacionet më të mëdha të SHBA-së!
E Shtunë 3 Janar 2026, 17:05
Dritare.net
Donald Trump po mban një konferencë për shtyp ku komenton operacionin ushtarak në Venezuelë që çoi në arrestimin e Nicolás Maduros dhe gruas së tij.
Trump thotë se operacioni u zhvillua gjatë natës dhe deri në mëngjesin e sotëm sipas udhëzimeve të tij. Ai e përshkruan ndërhyrjen si “të jashtëzakonshme”, duke përdorur fuqinë amerikane nga ajri, toka dhe deti. Forcat amerikane sulmuan një fortesë të fortifikuar rëndë në zemër të Karakasit për ta sjellë Maduros “para drejtësisë amerikane”.
Presidenti e krahason këtë operacion me ndërhyrje të mëparshme kundër Iranit dhe thekson:
“Asnjë komb në botë nuk mund të arrijë atë që Amerika arriti .”
Ai konfirmon se të gjitha kapacitetet ushtarake të Venezuelës u bënë të pafuqishme dhe dritat e kryeqytetit u fikën “për shkak të ekspertizës amerikane”.
Trump deklaron gjithashtu se Maduro dhe gruaja e tij tani përballen me drejtësinë amerikane, pasi janë paditur në distriktin jugor të Nju Jorkut për fushatën e tyre të narkoterrorizmit vdekjeprurës kundër SHBA-së.
Trump shton se Shtetet e Bashkuara do të drejtojnë Venezuelën “deri në një kohë kur të mund të bëjmë një tranzicion të sigurt, të duhur dhe të drejtë”.
