Stuhia në Mbretërinë e Bashkuar/ Njerëzit urdhërohen të mos dalin nga shtëpitë!
E Shtunë 7 Dhjetor 2024, 15:03
Dritare.net
Mijëra shtëpi në të gjithë Mbretërinë e Bashkuar janë pa energji elektrike pasi stuhia e quajtur Darragh solli erëra të forta dhe shi të dendur. Rreth tre milionë njerëz morën një alarm urgjence në celularët e tyre ku shkruheshin këshilla se si të vepronin në këtë situatë atmosferike.
Stuhia ka shkaktuar dëme të mëdha ku në në të gjithë vendin, pemët u rrëzuan dhe fluturimet u anuluan.
"Qëndroni brenda nëse mundeni"-shkruhej në mesazhin e urgjencës.
Siç shikohet në fotot e siguruara nga BBC, stuhia që ka goditur Mbretërinë e Bashkuar ka shkaktuar rrëzimin e pemëve, dëmtime të shumta në automjete dhe bllokimin e disa rrugëve kryesore./E.P-dritare.net
