Ndarja me Pique, Shakira: Djemtë e mi duhet të kishin pranë babanë!
E Hënë 25 Shtator 2023, 15:03
Dritare.net
Këngëtarja e njohur Shakira është ndër ata personazhe që ka arritur të qëndrojë gjithmonë ‘on top’ në skenë pavarësisht sfidave që ajo është përballur, siç ishte divorci nga futbollisti Gerald Pique.
Shakira pavarësisht dhimbjes nga ndarja me Pique, së fundmi ka korrur suksese me El Jefe, ku në një intervistë së fundmi ka treguar dëshirën e saj që kishte në lidhje me familjen.
“Ëndrra ime më e madhe, më shumë se mbledhja e albumeve platin dhe Grammy, ishte të rrisja djemtë e mi me babanë e tyre”, tha ajo, citon Bright Side.
Familja kishte gjithmonë përparësi në jetën e saj, duke e bërë atë të ndalonte karrierën e saj për disa vite. Vitet e saj në Barcelonë ishin sfiduese, veçanërisht për fëmijët e saj Milan dhe Sasha. Kështu, ajo vendosi të bënte një ndryshim rrënjësor për mirëqenien e familjes së saj dhe gjeti paqen, stabilitetin dhe lumturinë që kërkonte në Miami. Shakira po përjeton një rilindje në të gjitha aspektet e jetës së saj pasi fëmijët e saj shërbejnë si motivimi më i madh për të ecur përpara./M.K-dritare.net
