Momenti i sikletshëm i Kate Middleton kur takoi kryetarin e komunitetit mysliman, në Londër!
E Enjte 9 Mars 2023, 17:05
Dritare.net
Princesha e Uellsit kaloi një moment të sikletshëm sot teksa zgjati dorën për t’u takuar me udhëheqësin e komunitetit mysliman. Por kryetari i komunitetit mysliman nuk i zgjati dorën por bëri përshëndetjen tradicionale të myslimanëve, vendosi dorën në zemër.
Kate Middleton, u shfaq me humor të mirë kur mbërriti së bashku me Princin William, në Qendrën Myslimane Hayes në Londër.
Momenti i sikletshëm ndodhi kur Princi dhe Princesha u prezantuan me udhëheqësit në qendër, duke përfshirë Imamin Sufyan Ikbal. Ndërkohë që Princi Uilliam shtrëngoi duart me secilin nga udhëheqësit, një nga zotërinjtë zgjati dorën për të takuar princeshën.
Më pas Kate zgjati dorën për të takuar Imamin Sufyan, por ky i fundit vendosi dorën në zemër, duke ulur edhe kokën./K.C/dritare.net
