Këngëtarja e famshme tregon pse refuzoi ftesën për çaj nga Kate Middleton
E Martë 29 Gusht 2023, 11:11
Dritare.net
Këngëtarja e njohur e muzikës country, Dolly Parton, e cila prej muajsh po promovon albumin e saj të ri, të 49-të, ka qenë së fundmi në Britaninë e Madhe, por ka refuzuar ftesën për çaj që i është drejtuar nga mbretëresha e ardhshme, Kate Middleton.
Në veçanti, ylli i famshëm ishte e ftuar në emisionin e Claudia Winkleman në BBC Radio 2, kur ajo u pyet nëse synonte të zgjaste qëndrimin e saj në Londër. Ajo u përgjigj se këtë herë programi i saj ishte aq i ngarkuar, sa nuk pranoi ftesën për çaj nga Kate Middleton. Ylli 77-vjeçar tha:
“Këtë herë edhe Kate më ftoi për çaj. Dhe u ndjeva shumë keq sepse nuk mund të shkoja! Ekipi im ishte i përkushtuar ndaj të gjitha këtyre detyrimeve.” Këngëtarja theksoi se ftesa e Kate ishte shumë dashamirëse dhe se në një moment të dytë do të mund të pijë një çaj me të.
Parton ka performuar për familjen mbretërore në të kaluarën, veçanërisht në vitin 1977 në Jubileun e Argjendtë të Mbretëreshës Elizabeth. Dekada më vonë, Parton kujtoi se kishte frikë të bënte një gabim në protokollin e përshëndetjes së Mbretëreshës, por ajo ia doli mirë. Sipas Parton, Elizabeth ishte shumë e ngrohtë dhe shumë e ëmbël ndaj saj.
Albumi i ri i Parton “Rockstar” do të dalë në nëntor dhe do të ketë bashkëpunime me Paul McCartney, Ringo Starr, Mick Fleetwood, Peter Frampton, Sting dhe Simon Le Bon. Në fakt, kënga e saj “Let it Be”, e cila është një cover i këngës së famshme të Beatles, tashmë është publikuar./K.C/dritare.net
