Izraeli njofton zgjerimin e operacionit ushtarak në Gaza: Do pastrojmë vendin nga terroristët!
E Mërkurë 2 Prill 2025, 09:09
Dritare.net
Ministri i Mbrojtjes në Izrael, Israel Katz thotë se ushtria do të zgjerojë operacionin e saj në Gaza dhe do të pushtojë zona të mëdha të territorit duke i inkorporuar ato në ato që ai i përshkroi si zona të sigurta pa terrorist.
Në një deklaratë të mërkurën, Katz tha se operacioni i zgjeruar kishte për qëllim shkatërrimin dhe pastrimin e zonës nga terroristët dhe infrastrukturën terroriste dhe do të kërkonte një evakuim në shkallë të gjerë të palestinezëve.
Në një postim në X, ai shkroi:
"U bëj thirrje banorëve të Gazës që të veprojnë tani për të hequr Hamasin dhe për të kthyer të gjithë pengjet. Kjo është mënyra e vetme për t'i dhënë fund luftës."
Kjo vjen pasi spitalet lokale thanë se të paktën 15 palestinezë u vranë gjatë natës.
Një ofensivë e re e madhe tokësore izraelite po afrohet në Gaza, me raporte se forcat izraelite filluan operacionet në Rafah brenda natës.
Këtë javë, ushtria izraelite urdhëroi rreth 140,000 njerëz në Rafah të largoheshin nga shtëpitë e tyre dhe lëshoi urdhra të reja evakuimi për pjesë të Gazës veriore.
Forumi i Pengjeve dhe Familjeve të Zhdukura në Izrael tha se ata ishin të tmerruar që u zgjuan me lajmin e operacionit të zgjeruar ushtarak. Në një deklaratë, grupi i kërkoi qeverisë izraelite t'i jepte përparësi sigurimit të lirimit të të gjithë pengjeve që ende mbahen në Gaza.
Izraeli nisi ofensivën e tij të ripërtërirë në Gaza më 18 mars, duke fajësuar Hamasin për refuzimin e një propozimi të ri të SHBA-së për të zgjatur armëpushimin dhe për të liruar 59 pengjet ende të mbajtur rob në Gaza.
Hamasi, nga ana tjetër, akuzoi Izraelin për shkeljen e marrëveshjes fillestare për të cilën kishin rënë dakord në janar./E.P-dritare.net
