Foto/ Mashkulli më i pashëm në Francë është 23 vjeç dhe punon si shitës!
E Hënë 19 Shkurt 2024, 18:06
Dritare.net
Të shtunën e kaluar, konkursi i bukurisë për meshkuj u zhvillua në teatrin André Malraux në rajonin Rueil-Malmaison të Francës dhe nga goja e presidentit të jurisë, Xavier de Fontenay, djalit të divës legjendare të konkurseve të bukurisë, Genevieve de Fontenay u dëgjua me zë të lartë emri Charles Stamper.
Me sloganin se femrat nuk e kanë monopolin e bukurisë, 23 vite më parë në Francë u nis një konkurs për të nxjerrë në pah bukurinë mashkullore.
Ky është një konkurs krejtësisht i ndarë nga ai i Miss Francës dhe çdo vit, jurisë i kërkohet të votojë për “mashkullin më të pashëm në tokën e Molierit”.
Siç raporton gazeta franceze “Le Figaro”, më 17 shkurt, në teatrin André Malraux, Charles Stember nga Annecy fitoi çmimin për mashkullin më të pashëm në Francë për vitin 2024.
23-vjeçari francez është 1.79 metra i gjatë dhe 74 kg dhe punon si shitës në një dyqan makinash. I pamartuar dhe pa fëmijë, ai pason korsikanin Lizandre van Meilder. Ai është sportist dhe i apasionuar pas skijimit, siç raporton faqja franceze “20 Minutes”.
31 kandidatë u përzgjodhën këtë vit për të provuar fatin në garën e bukurisë mashkullore. Juria përbëhej nga kolumnisti Danielle Moreau (TPMP), këngëtari Elliott (The Voice), prezantuesi Jordan de Luxe, balerina Katrina Pace (Dancing with the Stars), aktorja Marie Hélène Lentini dhe së fundi, aktorja-skenaristja, Sandrine Le Berre./K.C/dritare.net
