Fitoi kurorën e Miss-it, 21-vjeçarja shkakton protesta në vendin afrikan. Kritikohet për ngjyrën!
E Mërkurë 27 Shtator 2023, 12:12
Dritare.net
Broke Bruk-Jackson ka fituar kurorën e Miss Universe Zimbabve, mes kandidateve të tjera me ngjyrë.
Modelja 21-vjeçare nga Harare ka shkaktuar polemika dhe protesta në Zimbabve, një vend i Afrikës Jugore me pothuajse 16 milionë banorë. Shkak për këtë është bërë fakti se ‘mbretëresha’ e re ka lëkurë të bardhë, kur 98% e popullsisë së Zimbabve-së ka lëkurë të zezë. Sipas kritikëve, miss-i nuk është një përfaqësuese e përshtatshme e kombit afrikan.
Lidhur me kritikat ka reaguar dhe vetë Bruk-Jackson e cila përmes një postimi në rrjetet sociale thekson se ajo e fitoi kurorën dhe do t’i tregojë botës veçantinë e Zimbabvesë.
"Unë e kam fituar këtë kurorë për vendin tonë të bukur, për të dashur dhe për t'i shërbyer popullit tonë, për të përfaqësuar Zimbabvenë ndërkombëtarisht dhe për t'i treguar botës veçantinë e Zimbabvesë dhe Zimbabvesë. Dua të jem një shembull i hirit, mirëkuptimit dhe frymëzimit për të rinjtë e Zimbabvesë, për të rrënjosur frymën dhe të dimë se së bashku jemi të fortë dhe çdo gjë në jetë është e mundur”, shkroi ajo.
Në kritikat për miss-in, shkruhej: "Të gjitha ato gra të bukura dhe ju po më thoni se gruaja evropiane fitoi një konkurs për zezakët?".
Sakaq një tjetër komentues ka shkruar në X,: "Kjo do të thotë se nuk ka asnjë grua të zezë në Zimbabve që është në nivelin e saj. Çfarë adhurimi është ky?"./M.K-dritare.net
