Ai dhe Meghan po divorcohen? Princi Harry flet për herë të parë për lajmet
E Enjte 5 Dhjetor 2024, 16:04
Dritare.net
Thashethemet për ndarjen e Princit Harry nga Meghan Markle po bëhen gjithnjë e më të forta, pasi çifti del në publik vetëm dhe ndërmerr projekte të ndryshme profesionale.
Pas kaq shumë lajmeve se ata po divorcohen, Princi Harry nuk ngurroi t'i përgjigjej drejtpërdrejt një pyetjeje në lidhje me marrëdhënien e tij me gruan në Samitin e DealBook të New York Times 2024.
Duka i Sussex-it doli në skenë për t'u bashkuar me kolumnistin dhe themeluesin e Dealbook të NYT, Andrew Ross Sorkin, në një diskutim të gjerë rreth medias, keqinformimit dhe përpjekjeve për ta bërë botën digjitale një vend më të sigurt.
Në fund të intervistës, Sorkin e pyeti Princin Harry edhe për lajmet mbi marrëdhëniet personale.
“Të kërkova në Google News dhe kishte njerëz që ishin të magjepsur nga gjithçka që bëni, gjatë gjithë kohës. Ata janë të magjepsur që Meghan është në Kaliforni tani dhe ju jeni këtu. Dhe ka artikuj majtas dhe djathtas që shkruajnë shumë lajme. Pse shkoni në evente vetëm? Pse nuk i bëni bashkë?", pyeti kolumnisti i NYT.
Princi Harry theksoi se vëmendja "padyshim nuk është një gjë e mirë". “Jo, kjo definitivisht nuk është një gjë e mirë. Ne ndoshta kemi blerë ose ndërruar shtëpi 10, 12 herë. Jemi divorcuar ndoshta 10, 12 herë. Është e vështirë të ecësh me këto lajme, por për këtë arsye ne i injorojmë.", tha princi./K.C/dritare.net
