Aktori shqiptar bëhet pjesë e telenovelës së BBC

Një aktor shqiptar bëhet pjesë e telenovelës më të madhe dhe më të vjetër të BBC-së, “Eastenders”, që ka 33 vjet që transmetohet në gjigantin mediatik britanik. Orli Shuke luan në episodet e transmetuar në tre ditët e para të janarit, ndërkohë që producentët e BBC-së i kanë ofruar vazhdimin e rolit të Robertit në episodet e ardhshme, madje me aktorin kryesor të telenovelës së famshme britanike, duke filluar xhirimet në 15 janar.

Orli Shuke, djali i aktorit të ndjerë Agim Shuke, i njohur për rolin e tij të spikatur në komedinë “Shi ne plazh”, jeton prej 20 vjetësh në Londër.

Ai ka një karrierë të suksesshme në kinematografinë britanike. Ka luajtur me  yllin e Hollywood-it, Brad Pitt në filmin “War Machine” apo edhe në filmin "Hyena". Ndër filmat që ai ka luajtur janë edhe “Big Dog”, që ka fituar çmim në festivalin e filmit BFI në Londër./L.P./Dritare.net