Na ndiqni edhe në

Politikë

Rama: Vuçiç të shkojë edhe në Hënë, por në fund do të ulet me shqiptarët!

Rama: Vuçiç të shkojë edhe në Hënë, por

Në konferencën e përbashkët me kryeministrin e Kosovës, kreu i qeverisë shqiptare Edi Rama, ka komentuar deklaratën e presidentit të Serbisë, Aleksandër Vuçiç, i cili ka thënë se nuk do ta njohë kurrë Kosovën dhe se ai do të negociojë me perëndimin por kurrë me shqiptarët.

Rama tha se, Vuçiç mund të shkojë dhe në Hënë por në fund do të ulet me shqiptarët.

Nëse ne jemi një, presidenti i Serbisë mund të shkojë edhe në Hënë, por në fund do të ulet me ne, autoritetet e shtetit sovran të Kosovës, që e njeh apo nuk e njeh ai është sovran dhe i paprekshëm në sovranitetin e vet dhe me ne në Tiranë, që do të mbështesim deri në fund, Prishtinën Përballë deklaratave të tilla provokuese ka dy rrugë, njëra barrikadimi, tjetra përballimi. Barrikadimi është në dëmin tonë, jo në dëm të Serbisë. Përballimi sy më sy dhe drejt për drejt me mjetet e paqes, është sfida jonë, fiton kush është më i mençur dhe të tregojë forcën e mendjen dhe të largpamësisë. Nuk fiton kush bën të fortin me Facebook apo deklarata përçarëse duke shfrytëzuar emocione apo konjuktura të brendshme që po shpëton atdheun nga tradhtarët. Duhet të bësh çmos për të bërë paqe, jo për fqinjët, por për të ardhmen. Nuk mund të presim që Vuçiç të deklarojë se do njohë pavarësinë e Kosovës”, tha Edi Rama./E.B-dritare.net