Nga Çajupi në Zagori, në fotot e Balina Bodinakut!
E Enjte 27 Gusht 2020, 10:10
Dritare.net
Jugu i vendit tonë nuk të ofron vetëm detin e mrekullueshëm, por edhe malin. Çajupi është një destinacion që u kthye në një trend këtë verë. Pikërisht kjo ishte zgjedhja e Balina Bodinakut në javën që lamë pas.
Bukuroshja me kaçurrela, na tregoi në rrjetet sociale udhëtimin e saj nga Çajupi në Zagori, përmes një kolazhi me foto.
Parajsa mbi tokë, e quan ajo me të drejtë Çajupin, krahas një foto postuar në mëngjes, ku Balina, duket më e freskët se vetë natyra.
Dy detaje nuk mungojnë në fotot e saj, buzëqeshja dhe gjelbërimi. Duket kaq e lidhur me natyrën, aq sa edhe programi në RTSH ku ajo është autore dhe drejtuese, mban pikërisht këtë emër, Pasditja e Gjelbër.
Por Balina është nga ata njerëz që do ujin po aq sa malin.
Dhe vendi ynë ta ofron mundësinë t'i shijosh të dyja në të njëjtën kohë. Në Vjosë, ajo na ofroi një pamje piktoreske.
"Yll si ti dhe Vjosa", shkruajnë komentuesit krahas fotos së saj, ku shfaqet duke u larë në lum.
Si një njeri i apasionuar pas sportit dhe kjo duket qartë në linjat perfekte të saj, i mjaftojnë një palë atlete një veshje komode, për të zbuluar të panjohurat e mrekullueshme të Shqipërisë sonë.
Në këtë udhëtim Balina ishte e shoqëruar nga i dashuri i saj Andi Bushati. Çifti e ka shijuar shumë udhëtimin nga Çajupi në Zagori, dhe kjo duket qartë në fotot e tyre./L.F-dritare.net
