Kur Evropa kopjon Tiranën. Atletet me yll të Ramës bëhen zyrtare
E Diel 18 Maj 2025, 16:04
Dritare.net
Në një forum për të ardhmen e kinemasë evropiane, Alain Berset, dy herë president i Zvicrës, tani sekretar i Përgjithshëm i Këshillit të Evropës zgjodhi të flasë ndryshe: me fjalë të kujdesshme dhe me atlete. Të bardha, me një yll të verdhë e blu, lthuajse identike me ato që ka kthyer në simbol Edi Rama.
Sepse kjo nuk është vetëm një zgjedhje veshjeje. Është një deklaratë. Një stil që Rama e solli në politikën evropiane që prej kohës kur nisi të sfidonte protokollet me atlete të personalizuara, si shenjë e lirshmërisë krijuese dhe refuzimit të hipokrizisë formale. Fillimisht i keqkuptuar, më pas i imituar.
Sot, një nga figurat më të rëndësishme të Evropës zyrtare, zgjedh këtë kod joformal për t’u afruar me artistët, me të rinjtë, me një tjetër gjuhë. Ndoshta me atë që u shpik në Tiranë./dritare.net
