Si u bë Mbretëresha Viktoria trafikantja më e madhe e drogës në histori!
E Diel 13 Korrik 2025, 16:04
Dritare.net
Kur mendon për trafikantët më famëkeq të drogës, emra si Pablo Escobar apo El Chapo të vijnë në mendje. Por më shumë se një shekull para tyre, një grua e fuqishme drejtonte një perandori droge që e bënte çdo baron tjetër të dukej si shitës rruge. Ajo nuk fshihej në ndonjë pyll me roje të armatosura dhe nuk shqetësohej për taksat apo burgun sepse vetë shteti e mbështeste. Ajo ishte Mbretëresha Viktoria, që sundonte Perandorinë Britanike.
Viktoria dhe dashuria për drogat
Viktoria, që mori fronin në moshën 18-vjeçare, nuk ishte aspak ajo figura e ftohtë dhe konservatore që imagjinojmë. Ajo përdorte rregullisht një sërë substancash që sot do i quanim drogëra:
Laudanum – një përzierje opiumi dhe alkooli që ajo e pinte çdo mëngjes.
Kokainë – që e konsumonte përmes çamçakëzit dhe verës për dhimbje dhëmbësh dhe vetëbesim.
Kanabis – që e pinte për dhimbjet menstruale.
Klorofom – që e përdori gjatë lindjes së fëmijëve, duke e përshkruar si “kënaqësi e papërshkrueshme”.
Sipas historianëve, ajo kishte një lidhje të fortë personale me përdorimin e këtyre substancave—por ndikimi i saj nuk u kufizua vetëm në oborrin mbretëror.
Si e ktheu perandoria, tregtinë e drogës në industri
Në vitin 1837, kur Viktoria u bë mbretëreshë, Britania kishte një problem: popullsia konsumonte shumë çaj nga Kina, dhe Perandoria kineze nuk kishte interes për mallrat britanike në këmbim. Për të zgjidhur këtë disbalancë tregtare, britanikët gjetën një "zgjidhje": opiumi, i cili kultivohej me shumicë në Indi (nën kontrollin britanik).
Opiumi ishte jashtëzakonisht i varësueshëm dhe shumë i kërkuar në Kinë. Nën sundimin e Viktorias, sasia e drogës që Britania eksportonte në Kinë u rrit në mënyrë drastike. Fitimet ishin aq të mëdha, saqë rreth 20% e të ardhurave vjetore të Perandorisë Britanike vinin nga kjo tregti.
Lufta e parë e opiumit dhe poshtërimi i Kinës
Kina e ndaloi përdorimin dhe importin e opiumit, dhe në vitin 1839, zyrtari i lartë kinez Lin Zexu konfiskoi dhe hodhi në det rreth 2.5 milionë paund opium britanik. Kjo provokoi reagimin e menjëhershëm të Viktorias: ajo shpalli luftë kundër Kinës.
Britanikët e fituan lehtësisht Luftën e Parë të Opiumit, duke detyruar Kinën të nënshkruajë një marrëveshje poshtëruese që:
-ia dorëzonte Hong Kongun Britanisë,
-hapte më shumë porte për tregti të lirë (d.m.th. për më shumë opium),
-i jepte imunitet ligjor shtetasve britanikë në territorin kinez.
Kjo luftë shënoi fillimin e asaj që njihet si “shekulli i poshtërimit” për Kinën.
Mbretëresha që shiti botën për fitim
Për Viktorian, pasojat njerëzore nuk kishin rëndësi për sa kohë që argjendi vazhdonte të rridhte në arkat britanike. Ajo refuzoi të shiste kokainë në Kinë sepse mendonte se ishte e “shëndetshme”, por nuk kishte asnjë mëshirë kur vinte puna te opiumi, ndonëse i shkatërronte miliona njerëz.
Mbretëresha Viktoria, e admiruar për stabilitetin dhe zgjerimin e Perandorisë Britanike, ishte gjithashtu përgjegjëse për një nga skemat më të mëdha të trafikimit të drogës në histori. E veshur me kurorë dhe e mbështetur nga shteti, ajo nuk ishte thjesht një përdoruese e drogave, por edhe një drogëmene e pashembullt./K.C/dritare.net
