Hotelet po ndryshojnë mëngjesin. S'ka më bollëk
E Mërkurë 20 Gusht 2025, 11:11
Dritare.net
Njëherë simbol i luksit në hoteleri, buffet-i i mëngjesit po vihet nën kritika për mbeturinat, konsumimin e tepruar dhe ndikimin në mjedis. Rreshta të pafund fruta, vezë, bukë dhe embëlsira shpesh përfundojnë të hedhura, duke shfaqur një të vërtetë të errët pas pamjes së bollëkut.
Sipas Raportit të Indeksit të Mbetjeve Ushqimore 2024 të UNEP, 1.05 miliard ton ushqim u hodh globalisht në vitin 2024, prej të cilit 28% vinte nga shërbimi ushqimor. Buffet-i i mëngjesit gjeneron më shumë se dyfishin e mbeturinave krahasuar me vakte të shërbyera në tavolinë: rreth 300g për person krahasuar me 130g për vakte të porositura.
Ekspertët nënvizojnë se ushqimi i hedhur është i lidhur me humbje të resurseve natyrore si toka, uji dhe energjia, dhe në landfille krijon gazra serrë që dëmtojnë planetin dhe biodiversitetin.
Për të reduktuar mbeturinat, disa hotele kanë nisur të zbatojnë ndryshime të vogla, por strategjike, si pjata më të vogla, porcione të gatshme dhe radhitjen e ushqimeve nga më të lehtat te më të rëndat.
Ekspertët sugjerojnë se heqja e mëngjesit buffe dhe krijimi i një mëngjesi të menduar, të porositur në tavolinë, ofron luks të vërtetë dhe redukton mbeturinat, duke lënë tek mysafirët ndjesinë e kujdesit dhe përvojës së veçantë./l.F-dritare.net
