Tragjedia e helmimit nga kërpudhat/ Përcillen në banesën e fundit tre anëtarët e familjes Haliti!
E Diel 9 Maj 2021, 18:06
Dritare.net
Elfete, Afrim e Ferzinaze Haliti janë përcjellë për në banesën e fundit ditën e sotme në Gjilan të Kosovës. Anëtarët e familjes Haliti u helmuan nga kërpudhat në Gjirin e Lalzit dhe si pasojë humbën jetën njëri pas tjetrit.
Sipas medieve kosovare, një ceremoni mortore është zhvilluar në Gjilan, nga ishte dhe familja Haliti.
Ata kishin mbledhur kërpudhat në pyll dhe i kishin konsumuar, ndërsa më pas pasi ndjenë shqetësime u paraqitën në qendrën shëndetësore të Manzës. Më pas, gjendja e tyre shëndetësore është përkeqësuar nga ku edhe kanë ndërruar jetë.
Të tre nuk ia dolën, teksa familjarët e tyre pas vdekjes kanë hedhur akuza për neglizhencë nga mjekët në Shqipëri./dritare.net
