Trump vesh maskë për herë të parë, që prej fillimit të pandemisë!
E Diel 12 Korrik 2020, 08:08
Dritare.net
Që prej fillimit të pandemisë së koronavirusit, presidenti amerikan Donald Trump, ka vendosur maskë për herë të parë, gjatë një vizite në spitalin ushtarak Walter Reed. Ai u takua me ushtarët e plagosur dhe punonjës të sistemit shëndetësor.
"Nuk kam qenë asnjëherë kundër maskave, por besoj se ka një vend dhe një kohë të caktuar ku dhe kur mund të vendosen ato", u shpreh Trump. "Unë mendoj që kur je në spital, patjetër duhet maska".
Trump, në fillim të pandemisë nuk ishte pro vendosjes së maskave, por jo vetëm ai. Edhe OBSH, nuk e rekomandonte atë. Por së fundmi qëndrimi i Organizatës Botërore të Shëndetit, ka ndryshuar. Dhe bashkë me të edhe qëndrimi i shumë vendeve. Shumë shtete e kanë bërë të detyrueshme mbajtjen e maskës në publik. Tashmë është e qartë që maska është një ndër armët më të forta që mund të kemi tani, për të shmangur infektimet nga koronavirusi./L.F-dritare.net
