Suedia mund ta ketë mposhtur Covid-19, por ndjekja e strategjisë së saj është e rrezikshme
E Hënë 28 Shtator 2020, 19:07
Dritare.net
Burimi: CNN
Një ekspert tha javën e kaluar se pandemia në Suedi kishte mbaruar, se virusi ka humbur fuqinë e përhapjes dhe se suedezët kanë krijuar imunitetin e tufës. Kjo deklaratë ka inkurajuar qeveritë e vendeve të tjera të mendojnë për idenë e futjes së strategjisë së Suedisë në shtetet e tyre, me shpresën se mund të zbusin goditjen në ekonomi.
Shkalla e infeksionit dhe vdekshmërisë në Suedi ishte e ulët për javë të tëra, pavarësisht valës së dytë që po qarkullon në Evropë. Kjo është një pikë kthese për vendin që shënoi një nga numrat më të lartë të viktimave gjatë pranverës.
Problemi është se shkenca nuk varet nga fakti nëse po krijohet imuniteti në Suedi, apo jo, pasi vendi i rezistoi bllokimeve dhe lejoi që virusi të përhapet në pjesën më të madhe të popullsisë së saj.
Kryeministri britanik Boris Johnson, njoftoi ndryshimin e masave kufizuese javën e kaluar, duke mbështetur menaxhimin e Covid-19 në Angli, te imazhi i Suedisë. Ekspertët si në Mbretërinë e Bashkuar ashtu edhe në Suedi po paralajmërojnë se bërja e kësaj mund të jetë e rrezikshme.
Britania e Madhe ka përjetuar një numër rekord të infeksioneve ditore, megjithatë Johnson i shtrëngoi kufizimet vetëm pak, duke i dhënë më shumë theks përgjegjësisë personale për të parandaluar transmetimin viral, siç kanë bërë autoritetet suedeze. Ndryshimi më i rëndësishëm i rregullave është ora 10:00, për mbylljen e pub-eve, baret dhe restorantet, duke i detyruar ata të mbyllen vetëm një orë më herët sesa zakonisht, informon dritare.net
Ndërsa shumica e botës perëndimore u izolua gjatë pranverës, përgjigjja e Suedisë ishte e jashtme. U dha vetëm këshilla qytetarëve të saj për të praktikuar distancimin shoqëror dhe higjienën personale. Suedia zakonisht nuk e përzien shëndetin publik dhe politikën, nuk e përdor ligjin për të ndikuar në sjelljen për të mbrojtur shëndetin e njerëzve. Kështu që ajo i mbajti hapur baret dhe restorantet, si dhe shkollat për ata nën 16 vjeç, pasi vendet e tjera i mbyllën.
Por tani edhe qeveria e Suedisë e pranon që kjo ka kontribuuar në numrin e lartë të vdekjeve prej më shumë se 5,800 njerëz, në një vend me rreth 10 milionë banorë. Pothuajse gjysma e atyre vdekjeve u regjistruan në shtëpitë e kujdesit për të moshuarit në Suedi./K.C/dritare.net
