Irani nisi një sulm me raketa ndaj Izraelit të martën në përgjigje të vrasjes së liderit të Hezbollahut, Hassan Nasrallah dhe të tjerëve, sipas një deklarate nga Korpusi i Gardës Revolucionare Islamike.
Ushtria izraelite vlerësoi se Irani hodhi 180 "predha", por theksoi se nuk ishte numërimi përfundimtar. Ekipet e CNN panë dhjetëra raketa mbi qytetet Tel Aviv, Jerusalem dhe Haifa.
Ndërkohë, ushtria e Jordanisë tha në një deklaratë se "qindra raketa iraniane u lëshuan drejt Izraelit", duke cituar një burim ushtarak në komandën e përgjithshme të forcave të saj të armatosura. Disa raketa iraniane goditën drejtpërdrejt në Izraelin qendror dhe jugor, tha një zëdhënës ushtarak izraelit.
Nuk raportohet për të lënduar pasi njerëzit u futën në dhomat e bombave, strehëzat brenda shtëpisë. Sirenat u ndezën në Izrael ndërsa njerëzve iu tha të futeshin në streha, ndërsa raketat u rrëzuan nga shkatërruesit amerikanë. Nuk pati të lënduar pas sulmit të Iranit, tha zëdhënësi i Forcave të Mbrojtjes të Izraelit, adm. Daniel Hagari./K.C/dritare.net
