Lufta në Lindjen e Mesme/ Alarm për sulm terrorist në Tel Aviv. Tetë të vdekur
E Martë 1 Tetor 2024, 19:07
Dritare.net
Lindja e Mesme është në zjarr. Ndërsa Irani nisi një sulm me raketa ndaj Izraelit, një sulm terrorist ndodhi të martën pasdite në një stacion tramvaji në Jaffa, në jug të Tel Avivit. Raportimet e para flasin për tetë të vdekur dhe nëntë të plagosur gjatë sulmit. Katër nga të plagosurit janë në gjendje kritike për jetën. Sulmuesit janë neutralizuar nga një qytetar dhe një roje sigurie që ndodheshin në vendngjarje.
⚡️Israeli media reports on the terrorist attack in #Israel
— NEXTA (@nexta_tv) October 1, 2024
According to preliminary information, three people were killed and ten seriously injured as a result of the shooting in #TelAviv. pic.twitter.com/weUOO27V3C
Pamjet e kamerave të sigurisë tregojnë dy terroristë, njëri prej të cilëve mbante një armë automatike. Sulmuesit dolën nga treni i tramvajit dhe mund të shihen në video teksa qëllonin një burrë, i cili ishte shtrirë në tokë. Në të njëjtën foto, pasagjerët shihen brenda tramvajit të shtrirë në dysheme, pa e ditur nëse janë qëlluar, apo nëse janë rrëzuar për t'u mbrojtur nga plumbat.
Multiple Individuals have been Shot at the Light-Rail Station on Jerusalem Boulevard in Jaffa, in a Suspected Terrorist Attack. pic.twitter.com/UjXriTF8sK
— OSINTdefender (@sentdefender) October 1, 2024
Jerusalem Post raporton se dy terroristët janë neutralizuar nga zjarri i forcave të sigurisë. Nuk përjashtohet mundësia që në zonë të jetë i pranishëm edhe një tjetër terrorist, i cili ka si mision mbulimin e dy autorëve. Në vendngjarje kanë shkuar forca të mëdha policore dhe antiterroriste./K.C/dritare.net
