Banesa dhe rrugë të shkatërruara, vazhdojnë kërkimet nën rrënoja pas tërmetit në Tajvan!
E Mërkurë 3 Prill 2024, 13:01
Dritare.net
Autoritetet tajvaneze tani kanë konfirmuar se në total 127 persona janë bllokuar si rezultat i tërmetit të fortë mëngjesin e sotëm. 77 prej tyre janë bllokuar brenda tuneleve Jinwen dhe Qingshui nën malet në qarkun Hualien, thonë zyrtarët e zjarrfikësve. Dy shtetas gjermanë janë bllokuar në tunelin Chongde në Parkun Kombëtar Taroko. 50 personat e mbetur janë bllokuar në katër minibusë që po udhëtonin nga qendra e qytetit Hualien drejt parkut kombëtar Taroko aty pranë.
Disa ndërtesa në qytetin Hualien po anojnë në mënyrë të rrezikshme. Një zyrtar nga departamenti lokal i zjarrfikësve, Su Ching-hui thotë se shpëtimtarët po përballen me vështirësi ekstreme. Sa herë që ekipi ynë lëviz, ndërtesa bëhet e paqëndrueshme dhe ata duhet të gjejnë diçka për të mbajtur për të garantuar sigurinë e tyre përpara se të tërheqin njerëzit jashtë”.
Tërmeti ka dëmtuar ndërtesat dhe infrastrukturën në të gjithë rajonin Hualien në bregun lindor të Tajvanit./M.K-dritare.net
