Kontakto redaksinë English
Na ndiqni edhe në
Na ndiqni në YouTube, në kanalin zyrtar të Dritare TV!

Ngjarjet e Ditës

Andi Hoxhaj boton në Londër librin për luftën ndaj korrupsionit

E Premte 1 Nëntor 2019, 14:02

Dritare.net

Andi Hoxhaj boton në Londër librin për luftën ndaj
Andi Hoxhaj, studiues dhe pedagog në Fakultetin e Drejtësisë në Universitetin Warwick në Britaninë e Madhe, i cili ka dhënë një intervistë për gazetaren Rudina Xhunga për ciklin "Shqiptarët e mrekullueshëm", ka publikuar librin e tij të parë, për korrupsionin.

Libri i tij i titulluar "Politikat e BE për luftën kundër korrupsionit" është botuar  në gjuhën angleze nga shtëpia botuese "Routledge", ndërsa në 2020 do të vijë edhe në gjuhën shqipe, nga shtëpia botuese "Dudaj".

Ky libër fokusohet në kërkime dhe ekspertiza të Dr.Hoxhaj, në fushën e luftës kundër korrupsionit, shtetit ligjor dhe politikave të zgjerimit të BE-së.

Hoxhaj është shqiptari i parë që është nderuar nga Akademia e Shkencave Britanike me çmimin prestigjioz "British Academy Rising Star Engagement Award", për kontributin e tij në studimet kundër korrupsionit dhe studimit të ligjit, me fokus të veçantë Ballkanin Perëndimor, Europën dhe Britaninë e Madhe.

Libri analizon transformimin e politikave dhe prioritetin e Bashkimit Europian në luftën kundër korrupsionit në vendet anëtare dhe ato kandidate.

Në libër janë marrë si tre studime të detajuara rastet e Britanisë së Madhe, Rumanisë dhe Shqipërisë.

Libri përmbyllet me një diskutim mbi të ardhmen e luftës kundër korrupsionit në BE dhe me rekomandime sesi mund të bëhen përmirësime lidhur me këtë temë në vendet anëtare dhe ato kandidate të BE-së. Gjithashtu ofron ide sesi shoqëria civile dhe media mund të luajnë një rol kyç për të monitoruar BE-në, qeveritë e vendeve anëtare dhe ato kandidate në luftën kundër korrupsionit./dritare.net