Enca: Sikur njëherë të vetme të ngriheshim njëzëri, për çështje që na prekin ne!
E Martë 2 Qershor 2020, 16:04
Dritare.net
Këngëtarja e njohur Enca është bërë pjesë e nismës kundër racizmit, ku shumë figura publike kanë postuar një foto të zezë, pas vrasjes së Geogre Floyd, nga një polic amerikan.
Edhe pse iu bashkua kësaj nisme, ajo ka një mesazh për të gjithë njerëzit dhe personazhet publikë: të bashkohemi njëherë të vetme për një çështje që na prek neve dhe të flasim aty ku mund të na dëgjohet zëri.
“Imagjinoni sa bukur do të ishte sikur të gjithë njerëzit, sidomos artistët shqiptarë që kanë postuar fotot e zeza në profil, të ngriheshin qoftë dhe njëherë të vetme njëzëri, për një çështje që na prek ne. Pse nuk përdorni zërin aty ku ju dëgjohet dhe për çështje që po na vrasin përditë?
Pse nuk ngriheni njëherë për komunitetin rom që është prezent te ne dhe përbuzet çdo ditë?! Jooo, jeni shumë të zënë duke postuar çfarë poston Amerika, sepse është më ‘trendy’.
Jo se nuk më bën përshtypje tema e #blackouttuesday, aq shumë më dhemb zemra sa nuk mundem ta shoh videon që qarkulloi...
Po do të ndihesha hipokrite nëse do të zgjidhja të ngrihesha për një temë që nuk prek komunitetin rreth meje para 100 çështjesh shumë më të prekshme për ne, ku të gjithë bashkë ndoshta mund të bëjmë një ndryshim. Mendojeni”, shkruan Enca./E.B-dritare.net
