Vendosni Kosovën në hartë/ Peticioni ndaj Apple bën bashkë shqiptarët në botë!
Dritare.net
Prej disa ditësh në internet po qarkullon një peticion me titull “Put Kosovo on the Map” (vendos Kosovën në hartë), përmes së cilës i kërkohet kompanisë Apple që ta vendosë Kosovën në hartën e saj.
Dua Lipa, ishte një ndër personat e parë të njohur që publikoi në rrjetet e saj sociale, këtë peticion. Pas saj postimi u shpërnda gjerësisht në rrjet, kryesisht nga shqiptarë të njohur në botë.
Së fundmi është Rita Ora, ajo që i bën thirrje kompanisë Apple, ta vendosë Kosovën në hartën e saj.
"Shqipëria dhe Kosova kanë kaq shumë talente dhe unë jam krenare për të gjitha vajzat e forta dhe të talentuara që prezantojnë trashëgiminë tonë", shkruan Ora. Postimi është shpërndarë edhe nga të tjerë shqiptarë të njohur.
Në rrjetet sociale, ka nisur 'një luftë', ku përkrahës atyre që kërkojnë vendosjen e Kosovës, në hartën e Apple, një grup tjetër njerëzit shkruajnë se Kosova është Serbi.
Nisur nga kjo Dua Lipa, ka postuar sërish një foto me foton simbol të Shqipërisë, me mbishkrimin, Autoktonë. /L.F-dritare.net