Sot mbahet konferenca "Diaspora flet". Të ftuar surprizë, Rita Ora dhe Erion Veliaj
E Shtunë 21 Nëntor 2020, 17:05
Dritare.net
Sonte, ora 18:30 do të mbahet konferenca virtuale "Diaspora flet", e cila do t'i kushtohet gjuhës shqipe dhe trashëgimisë. Edhe njëherë gjuha shqipe bën bashkë të gjithë bashkëkombësit tanë në një panel me rëndësi të veçantë, të moderuar nga gazetarja e njohur, Rudina Xhunga. Panelistë do të jenë: Agim Morina, Gazmend Kapllani, Muhamet Idrizi dhe Mimoza Hysa.
Por ka edhe një surprizë në këtë konferencë. Në sesionin përmbyllës që do të zhvillohet në orën 20:30 do të jenë ballë për ballë kryebashkiaku i Tiranës, Erion Veliaj dhe këngëtarja shqiptare me famë botërore, Rita Ora.
Si duket një ditë e zakonshme e Rita Orës? Cila është përgjegjësia që ndjen ndaj vendit të saj? Cilat janë projektet më të reja të Bashkisë së Tiranës? Dhe shumë më shumë në bashkëbisedimin përmbyllës të konferencës. /K.C/dritare.net
