Mbahet online ekspozita “Viz Art”, e organizuar nga Helidon Haliti
E Diel 5 Prill 2020, 13:01
Dritare.net
Sot në mesditë, ashtu siç ju paralajmëruam, u mbajt ekspozita “Viz Art”, e organizuar nga piktori i njohur Helidon Haliti, në ambjentet e galerisë së tij personale.
Ekspozita e realizuar me piktura të viteve të shkuara në Festivalin Botëror të Akuarelit, u mbajt virualisht për shkak të situatës së koronavirusit, duke sjellë një eksperiencë ndryshe për vizitorët, të cilët e ndoqën nga shtëpia.
Pikturat e paraqitura janë realizuar nga 19 artistë të akuarelit përfshirë dhe 2 shqiptarë, të njohur botërisht për mjeshtërinë e tyre.
Ekspozita u prezantua nga vetë Helidon Haliti, i cili shpjegoi secilën pikturë, duke treguar autorin, vitin kur është realizuar, teknikën e përdorur etj.
E gjithë puna e prezantuar ishte një përjetim dhe një eksperiencë ndryshe, për secilin që e ndoqi.
Nëse keni humbur mundësinë për të ndjekur veprat e jashtëzakonshme të piktorëve më të mëdhenj në botë të akuarelit, mund ta ndiqni këtu. Na besoni që do ta shijoni pa masë këtë eksperiencë ndryshe./E.B-dritare.net
