Lagjja e vrasjeve/ 4 të vrarë për dy muaj në Nishtulla të Durrësit!
E Hënë 27 Prill 2020, 19:07
Dritare.net
Një ngjarje e rëndë është shënuar ditën e hënë pranë tregut të makinave në Nishtulla të Durrësit.
Dy vëllezërit, Besmir dhe Viktor Haxhia janë ekzekutuar mesditën e së hënës me breshëri automatiku, ndërsa të dy kanë mbetur të vdekur në vend.
Dy vëllezërit po udhëtonin me një makinë, ndërsa janë zënë në pritë nga atentatorët, që pas vrasjes janë larguar në drejtim të paditur.
Por, lagjja Nishtulla në Durrës, është bërë skenë krimi edhe me 2 mars, ku në një atentat mafioz janë vrarë Dori Shkoza dhe Anxhelo Avdia.
Dy të rinjtë u qëlluan me armë pasditen e 2 marsit, teksa udhëtonin me makinën e tyre./ I.M-Dritare.net