Një tjetër mjek ka humbur jetën nga koronavirusi në vend. Bëhet fjalë për Dr. Hysni Shkjau, 69-vjeç, i cili nuk mundi ta fitonte betejën me virusin e rrezikshëm.
Lajmin e ka bërë të ditur Ministria e Shëndetësisë, ku njoftoi se prej disa ditësh gjendja e tij u rëndua si pasojë e vështirësisë në frymëmarrje dhe disa sëmundjeve bashkëshoqëruese.
Dr. Hysni Shkjau, me 40 vite eksperiencë, nuk e kishte ndërprerë punën dhe vijonte të shërbente si mjek familje në qendrën shëndetësore Qafë-Mali në Bashkinë Fushë-Arrëz të Pukës.
Kujtomë se disa ditë më parë vdiq nga Covid-19 edhe mjeku i njohur hematolog, Arjan Pushi./E.B-dritare.net
