U fotografua jashtë shtëpisë, deputetja me koronavirus sqaron situatën!
E Diel 12 Korrik 2020, 09:09
Dritare.net
Deputetja e Partisë Demokratike të Kosovës, Eliza Hoxha, e cila pak ditë më parë njoftoi se ishte infektuar me koronavirus, është fotografuar jashtë shtëpisë. Në mediat e Kosovës, thuhet se ajo nuk po zbaton rregullin e karantinimit. Nisur nga kjo Hoxha, përmes një postimi në rrjetet sociale, Hoxha, është detyruar të sqarojë situatën.
"Ndërsa unë pres para hyrjes së banesës sime, vëllain tim për të më dërguar për një kontroll të mushkërive, për shkak të gjendjes jo të mirë, shoh këto lajme. Për keqardhje. Nëse do të shëtisja rrugëve apo kafeneve me Covid, nuk e kisha bërë publike që jam infektuar, ashtu si po bëjnë shumica", shkruan Hoxha./L.F-dritare.net
