Tha se anëtarë të UÇK kanë vrarë 100 civilë serbë, Kurti shkarkon këshilltarin!
SHKRUAR MË 25 Prill 2020
Dritare.net
Kryeministri në detyrë i Kosovës, Albin Kurti ka njoftuar se ka shkarkuar nga detyra, Shkëlzen Gashin, këshilltarin e tij politik. Kurti shprehet se është më mirë që debatin në të cilin ai është përfshirë për shkak të deklaratave të tij në lidhje me UÇK-në, të mos e bëjë nga pozita e këshilltarit të tij.
“Sot e kam takuar dhe më pas e kam liruar nga detyra këshilltarin tim politik, z. Shkëlzen Gashi. Disa deklarata të djeshme të tij patën pasoja shpërqendruese nga puna e mirë e qeverisë në detyrë. Konsideroj që është më mirë që debatin në të cilin është përfshirë ai të mos e bëjë nga pozita e këshilltarit tim. E falenderoj për kontributin e dhënë. E çmoj për mendimin kritik. Ka aq shumë gjëra për të cilat pajtohemi në të tashmen, ka edhe të atilla për të cilat nuk pajtohemi nga e kaluara. Z. Gashi nuk është një bashkëbisedues i lehtë. Nga kjo vështirësi kam mësuar.”, shprehet Kurti./K.C/dritare.net
