Vera mbaroi, çfarë thonë yjet për ditën e parë të shtatorit!
E Diel 31 Gusht 2025, 20:08
Dritare.net
Vera ka mbaruar dhe rutina po troket sërish. Por çfarë thonë yjet për këtë rikthim? Branko na sjell parashikimin e tij të saktë për 1 shtatorin: një ditë që për disa shenja do jetë nisje e mbarë, për të tjerë një sinjal për të ndryshuar kurs. Lexo më poshtë çfarë të pret në dashuri, punë dhe shëndet.
Dashi
Yjet e bukur që janë aleatë besnikë tuajt do t’ju ndihmojnë të tregoni cilësitë tuaja të mëdha në aspektin profesional. Avancime në karrierë, përparime ekonomike dhe konfirmime do të jenë në rendin e ditës. Për këtë arsye, mund të tërhiqni edhe zilinë e të tjerëve.
Demi
Ka disa ndryshime që duhet t’i mendoni mirë nga ana profesionale. Në dashuri, yjet ju ftojnë të lini mënjanë ankthin dhe frikën tuaj, veçanërisht nëse keni drojë të futeni me gjithë shpirt në një lidhje të re. Arkivoni të kaluarën dhe mos kini frikë të provoni sërish.
Binjakët
Po i afroheni një periudhe kthese në aspektin profesional. Ju presin ndryshime rrënjësore në vjeshtë të cilat do t’i mirëprisni në mënyrë pozitive. Disa keqkuptime në dashuri mund t’ju shkaktojnë frustrim dhe zemërim, përpiquni t’i menaxhoni me mençuri këto situata.
Gaforrja
Sipas horoskopit të ditës, fundi i verës mund të sjellë pak dëshpërim në jetën tuaj. Ju e doni diellin dhe detin, ndaj rikthimi në rutinën dimërore nuk është një perspektivë tërheqëse për ju. Në dashuri do të nevojitet një sqarim nëse kohët e fundit ka pasur ndonjë keqkuptim.
Luani
Java që ju pret do të jetë e mbushur me sfida por edhe me kurthe që duhet t’i përballoni me mençuri dhe vendosmëri. Muaji që sapo ka nisur nuk do të jetë i lehtë për ju që ishit protagonistët e kësaj vere. Rikthimi nga pushimet nuk do të jetë entuziast për ju, por duhet ta pranoni.
Virgjëresha
Ka ardhur momenti të merrni në dorë frenat e jetës suaj dhe të jeni më vendimtarë, sidomos nëse ka zgjedhje për të bërë në planin personal ose profesional. Në dashuri, yjet ju këshillojnë të lini zonën tuaj të rehatisë dhe të hidhni veten në situata të reja që mund të jenë stimuluese.
Peshorja
Po vijnë mundësi të bukura për të rigjetur harmoninë e brendshme. Jeni të lodhur nga një periudhë me tronditje dhe vështirësi edhe në aspektin profesional, por sezoni i ri do të nisë me vendosmëri. Disa pengesa të vogla në punë duhet t’i lini pas pa shumë shqetësime.
Akrepi
Vetëm një dialog konstruktiv do të mund të zgjidhë problemet që po përballeni në marrëdhëniet tuaja, përfshirë edhe ato në punë. Nëse vendosni të përballeni ashpër, nuk do bëni tjetër veçse do nxisni reagimin e të tjerëve dhe nuk është e thënë që do dilni ju fitues. Lëreni instinktin t’ju udhëheqë.
Shigjetari
Kjo javë do të nisë nën shenjën e entuziazmit dhe vitalitetit. Në planin profesional, ndjeni nevojën për të shmangur gjithçka që kufizon hapësirat tuaja ose mundësitë tuaja për rritje. Jeni në kërkim të diçkaje që të vlerësojë talentin tuaj dhe që të ketë perspektiva të mira zhvillimi.
Bricjapi
Në ditët në vijim do të duhet të jeni më konkretë se kurrë për të zgjidhur një situatë që ju ka shkaktuar disa probleme. Në dashuri po mungojnë motivimet, sidomos në çiftet që janë prej kohësh bashkë. Ndoshta duhet të organizoni një udhëtim të bukur apo një ngjarje që do ju afrojë sërish.
Ujori
Jeni duke u përpjekur të rigjeni atë kreativitet që për ju është burim jetik. Nëse dikush përpiqet t’ju kufizojë lirinë ose fushën e veprimit, me siguri do të përballet me qëndresën tuaj. Në dashuri, përqendrohuni vetëm te ato situata që e meritojnë vërtet.
Peshqit
Sipas parashikimeve të Brankos, në këtë fillim jave do t’ju duhet të balanconi mirë aspektin profesional dhe atë sentimental. Në lidhjet e reja, do të ishte më mirë të mos nxitoni për të shmangur zhgënjime të dhimbshme. Humori juaj nuk do të jetë në nivelin më të mirë, prandaj do ishte mirë t’i përkushtoheni pak meditimit të shëndetshëm./E.P-dritare.net
