Dritare.net
Në përvjetorin e 10-të të martesës së tyre, biznesmeni shqiptar Kristian Boçi dhe Drilona Doçi, vendosën të kurorëzojnë dashurinë e tyre me një festë luksoze në ditën e Shën Valentinit.
Nuk ishte një dasmë, por ishte një spektakël. Kështu është shprehur organizatorja e eventit, Alketa Vejsiu.
Dasma e bujshme, me qindra të ftuar nga jeta e politikës, medias e showbiz, bëri që të flitej më së shumti për luksin e shfrenuar, sesa për dashurinë e tyre.
Drilona, dukej e magjishme me një fustan të personalizuar nga stilisti me famë botërore Elie Saab, ndërsa salla ishte e dekoruar me mbi 3 mijë lule natyrale.
Është evidente që çifti nuk ka kursyer asgjë për dasmën e ëndrrave të tyre.
Pjata argjendi, qëndisma të shtypura me lazer, pafundësi lulesh, efekte skenike të pafundme, fotografë, orkestra speciale, ndriçimi, fustani super i shtrenjtë i nuses, Ekrani Led 300 metra katrorë, regjia 3D, por edhe shuma marramendëse e parave të shpenzuara e bënë këtë dasmë vërtetë spektakolare./dritare.net
