Video/ Mesazhi i parë i Kamala Harris pas humbjes në zgjedhje. Përballet me komente ekstreme në rrjetet sociale
E Mërkurë 27 Nëntor 2024, 17:05
Dritare.net
Një tufë komentesh negative është shkaktuar nga shfaqja e kandidates demokrate për zgjedhjet në SHBA, Kamala Harris, e cila vetëm disa javë pas humbjes së saj nga kundërshtari i saj Donald Trump në mesazhin e Falenderimeve, u shfaq në ekran dukshëm e zhgënjyer dhe e dëshpëruar.
Në klipin prej 28 sekondash të postuar në rrjetin social X nga Komiteti Kombëtar Demokratik, Kamala Harris, me sytë që i tregojnë lodhjen dhe dëshpërimin thotë: “E di që është një kohë e pasigurt. E di mirë. E di që e kuptoni dhe e ndieni. Më duhet vetëm t'ju kujtoj: kurrë mos lejoni që dikush t'jua marrë fuqinë. Ju keni të njëjtën fuqi që kishit para 5 nëntorit dhe keni të njëjtin qëllim dhe aftësi për t'u angazhuar dhe frymëzuar. Prandaj, kurrë mos lejoni që dikush ose ndonjë rrethanë t'ju grabisë forcën tuaj. Uroj që të jeni të rrethuar nga njerëzit që doni dhe që ju duan. Ju inkurajoj që të jeni pranë familjes suaj. Ne jemi të fortë, e duam vendin tonë dhe kemi shumë punë për të bërë”.
Vice President @KamalaHarris’ message to supporters. pic.twitter.com/x5xMUGTtkz
— The Democrats (@TheDemocrats) November 26, 2024
Videoja e mesazhit të Kamala Harris është parë mbi 7.5 milionë herë.
Në shumicën e komenteve të tyre, ndjekësit në rrjetet sociale, veçanërisht në platformën X, i japin një shenjë negative imazhit të kryetares së demokratëve.
Madje, ata shkruajnë se ajo duket e dehur pas humbjes së saj dhe se qartazi diçka nuk shkon./K.C/dritare.net
